الأحد، 3 أبريل 2011

قعر جهنم




شوفو فرعون
فينو قارون
فين الناس الواطية الدون
لابسة قناع وبألف لون
فاكرة انها فوق الكون
تملك أرض وقلاع وحصون
هو العاقل والكل مجنون
فأيدو كل المخزون
ناس تسجدلو بكل شجون
ناس تتوسل تطلب عون

ربك شايف ربك دارى
باللى بيحصل واللى جارى
ولا يرضاش بذلى وعارى
ولا يرضاش بظلم طغاة 
ربك هو بياخد تارى
بيطمنى ويبرد نارى

قعر جهنم ووادى ويل
بكرة يشوفو سواد الليل
والحساب عسير وطويل
هناك المتكبر مكسور وذليل
وعذابه اكبر دليل
ان الظلم ذنب تقيل
كلمة يقولها جيل ورا جيل
مفيش على ربنا شىء صعب ومستحيل

هناك تعليق واحد:

  1. الأخ الغالى / فيلسوف

    رائع جدا ما خطته أناملك .. الوزن والقافيه ممتازين ... وإحساسك عالى .. تقبل مرورى ودمت بكل الحب

    تحياتى

    أخوك / تامر

    ردحذف