الأحد، 17 أبريل 2011

زفاف القمر




تزف النجوم القمر....فذاك دليل البشرى
ينطلق شهاب يتبعه... مذنب ينشر الخبرا
ويحدو بالكواكب حادى ...الى الأفراح سيرا
وتحمل الريح النغم ..... وتجمع كون قد اندثر
وتميل الابراج طربا ...وتزغرد على الملاء العذرا
ويحمل الدب صغيره...ومن السرور يجرى ثورا
ويرقص زحل وتغمره....وبنشوة فرح قد غمرا
وتأتى طوائف العشاق...تنسج من الاحساس شعرا
ويبتسم الربيع ابتسامته .... ويشير ليعزف الطيرا
يعزف أنغام مطربة .... يميل عليها الزهرا
ذلك يوم يشهده الزمان ...ويسطر فى التاريخ سطرا
يجتمع اليوم حبيبين ..... وما اجتماعهما الا قدرا
يجتمعا فى حلال البارى ....وحلال الله هو الخيرا
قد جاء محبا للدار..... ليتزوج من بنت بكرا
قد جاء يطلب حرة ... امتلاكها كامتلاك البدرا
ليكون بيته مسعده .....وجنة أرضه الخضرا
ان ملك المحب كوخا .... يجعله الحب قصرا
ويجعل بيتك جنة .... يفيح منه العطرا
انتظرت ذلك طويلا ... وقضيت ليالى صبرا
وجزاك الله خيرا ..... بحلال كنت تنتظرا
وجزاك الله خيرا ..... بعد أن كنت على جمرا
والزوجة خير متاع ..... ولجنة الرحمن جسرا
فاظفر بذات الدين ....... قلديها خصال عشرا
تحبك بكل ما فيك ..... وتقصر عليك النظرا
ولاتضرك ولن تؤذيك..... وتحفظ لك السرا
وتسعى لكى ترضيك..... ولا تعصى لك امرا
وتحافظ على حالك ومالك ... وتحافظ على السمعة والذكرى
تراها باسمة تمازحك.... وتراها من أجلك تتحمل الوعرا
فاظفر بذات الدين ........ وبذلك تحقق النصرا
فهى خير الناس قاطبة ...... وفيض من العطاء بل نهرا
توقظك لقيام الليل.......... وتصلى معك الفجرا
وتدير لها ظهرك ..تأمن منها خنا او غدرا
وتقام أفراح الكون ... فى كل بلد وكل مصرا
ويرقص أهل الشام .... على عزف أهل البصرى
فذاك يوم لقــــــــاء....... حرم فيه الجفاء والهجرا
ذاك الحب الصارخ.... يصرخ بين الناس جهرا
فالزواج نصف الدين .... وكل الدنيا حصرا
ففيه الخير والعفة........ وفيه الحب والفطرا
وفيه سعادة الدنيا .........وسعادة الحياة الاخرى
وفيه قرة العين ......... وهلم بما فيه جرا

السبت، 9 أبريل 2011

قصيدة : دولة الشعراء




 وصلت دولة الشعراء بفرحة تغمرنى ................ سأقابل شعرائنا أصحاب الدواوين والأقلام
كم أشتقت للقاء أبو نــــــــــواس ............ والمتنبى والشابى وشوقى شاعرنا الهمام
فكم تمنيت أن أجلس فى زمرتهم ...........وأن أحظى بينهم بمكانة وأحترام
فالشعر بالنسبة لى صلة رحم .........واعتبر الشعر شيئا مقدسا وليس مجرد كلام
فالشعر شعر وأحساس ......... والشعــــــــــــر حالة حب وأنسجــــام
فالشعر سحر يخلب الروح والذهن ....ويخرج الاحساس من بين العظام
ولكنى رأيت مشهد شوؤم ........رأيت دولة الشعر فى ركام
فسألت اين امرؤ القيس ملك القوافى ....... وأين المتنبى وأبن الرومى وأبو تمام
أرى كل شىء حولى خراب ............. ولا أسمع الا صوت النواح واللطام
فرأيت المتنبى فهرولت اليه باكيا ..............أين ناديك وأين الضوضاء والزحام
فقال وكأن كل سحابة وقفت بها ............. تبكى بعينى عروة بن حزام
فقلت ماذا حدث لدولة بنى شعر .............. ألستم أنتم مرهفو الحس أهل الغرام
ألم تعلمونا كيف نصاحب القمر................. ألم تعلمونا كيف نعشق بهيام
ألم تعلمونا كيف نعش أمراء ...........ألم تكن على قصائدكم الرضاعة والفطام
أم على الباطل كانت تربيتكم ............ أم أن دولتكم أعمدتها كانت الأوهام
أكان الحب والشعر أسطورة ................. أكانت دواوينكم اضغاث أحلام
أم ماحدث كان كارثة حقا .............. أم ماحدث سنة تداول الأيام
فقال المتنبى بحسرة الثكالى .أرجع ...........وأتركنى أبكى على أطلال الخيام
فلغة الضاد تحت الثرى راقدة..........أذهب وتربى على شعر العـــوام
فلم تضحى لنا ميزة ومكانة .......... ولم تعد للشعر دولة تقــــام
فسمعت عنترة من بعيد بصوت اجش..... أنظر حولك وتأمل الدمار والحطام
فأى حب وأى حبيب تغازله .................. وحب ذاك الزمان كالثمام
فان أفتقر الناس للحب والولع ............فليس بعد اليوم للشعر امـــــام
فبفقدان الحب والود بين الخلق ..............فقل على الدنيا الســــــــــــلام
يدوم الشعر بدقات قلب محب ................ ويدوم مادامت الرماح والحراب والسنام
يدوم الشعر مادامت معلقات أسلافنا ........ التى علقت على البيت الحـــرام
فلولا الشعر ما عرفنا للوجود معنى .......... ولا سمعنا خرير ماء ولا صرير قلم ولا هدير يمام
هكذا الدنيا لا تثبت على حال ................... وليس كل شىء فى الدنيا على مايرام
فالشاعر اسطورة الزمان دوما ......... كلمته رسالة وقصيدته دستور وقلمه حسام
يقال الشعر فى ليالى الشوق والهجر.............. ويقال فى قلب المعمعة والسيوف والسهام
فالشاعر من صنف غير كل صنف .................يصاحبه بدل القرين قرناء والهام
فالشعر تاج لكل ذى لسان ......................... والشعر نور لكل ظــــــــــــــــلام
والشعر طبيب لكل من أعياه الهوى ...........ويكاد الشعر يشفى من به جذام
فمن يعلم الحب وأسراره مثل شاعر ..............وفى الحرب والثورة فارس مقدام
فان خلت الأرض من شاعر .................. كان أهل الارض كلهم أيتام
وان خلت الأرض من شعر ................... جفت الحياة وانقطعت الأنسال والارحام
فالشعر منة من الله على الخلق ................ ويكاد بالشعر تنطق الأنعام
ليس الأمير كل من جلس على عرش .........او كل من أتكأ على ريش نعام
انما الأمير كل من قال شعرا .............. وملك بشعره قلوب الأنــــــــــــــــام
وليست الدولة كل من ضمت أمة ...........يتصارع عليها الملوك والحكـــــــــــــام
انما الدولة هى رحمة وعدل .................. وهى تقديس لكل رأى ونظام
ودولة الشعراء بجوف كل شاعر ............ فدولة الشعر ليس لها نهاية وختام
فلكل شاعر دولة هو أميرهـــا..................له فيها السمع والطاعة والحكم والابرام
يأبى الشاعر غير الحرية وطنا .............. فهو كالجواد يجرى بلا لجــــــــــام
فبئس قوم شبوا وأستسلموا ................. ليأس وفشل ومرض سقـــــــــــــــــام
وبئس قوم بعدما أنتصروا ..................كشفوا ظهرهم لأعداء لئام
فبئس لمن نحى الرسالة جانبا طالبا ........السمعة فهو مهما علا من الاقزام
فالرسالة هى من تعلى شأنك ........... والرسالة هى درب السادة الكرام
فلاتظن أن الشمس قد غربت ............. ان حجبت نورها سحابة وغمام
فكم قابل الشعراء من واردات................ ولولا الواردات ماكان للشعراء كلام
فما الابداع يأتى الا من مصيبة ............. وكلما عظمت المصيبة وصل للتمام
وأسمعو منى حكمة بليغة .................لا تستهينو بقول صبى وغلام
فهبوا نقيم دولة الشعراء ............... وبكلمة الحق علينا الاعتصام
فمن تخلف عن تبليغ رسالته .............. يجرى عليه حكم الا عدام قبل الاعدام

كــــــــــــافر وأفتخر





 
أنا الكافر الذى يفتخر بكفره.......... مع أن قلبه بالايمان عامر
فليس كل الكفر عار ................... فبعض الكفر لأهله شرف زاخر
كفرت بنفسى ان اظهرتنى على الأرض......وان صورتنى بأننى اله خالقا قادر
كفرت بكم وبكل ألهتكم ...........بالمال والهوى والنساء وتامر
كفرت بالمال والرشوة والفتيان والنسوة ...وكفرت بكل من لدينه تاجر
برىء ممن لا يعبد الله وحده.....فأنا خارج عليكم ومنكم برىء طاهر
كفرت بكل من خمل فى الدنيا وناخ ......وقال ان الموت كأس دائر
فأستسلم ينتظر الموت لا يعمل ............فذاك مكانه لايكون الا فى الحظائر
كفرت بكل من ظن أنه ملك الدنيا ...وأنه ليس فى الدنيا ضيف زائر
كفرت بصوتكم كله نميمة وثرثرة .........فلا ينطق الا زور وباطل وقوله فحش داعر
كفرت بنظركم لا يرى الا الحرام ........ وعلى كل مالا يملك ناظر
كفرت بكل من أحتقر طعامه............ ومقت نعمة عليه وكان لمائه هادر
كفرت بفتية شبوا على زمر ........وكــــــــــانو قدوة لكل شاب عاهر
كفرت بحبيب يأخذ الهوى قناع.......فأن أختفى القناع تحول لقاتل باقر
كفرت بصديق كله حقد وحسد ....... ويكيد لى كيد داهية ماكر
كفرت بكل من ترتدى البنطال......... وتجدها صاحبة لكل ماجن فاجر
وتكون غايتها أن تفتن الرجال .......... فتلك لا تصلح الا أن تكون جارية فى شادر
فغانية مارضيت بخبث ونتن ............ تضحى عندكم من أذكر الحرائر
كفرت بكل بيت تعمره الدياثة ............... وبمن لعورات الناس فاضح ناشر
كفرت بكل من أستهان بذنب صغير ........... فكل كبيرة ماهى الا ركام صغائر
كفرت بكل من عاش فى خدعة ...........النفـــــــــــــــــاق باطنه والدين ظاهر
كفرت بمن لا يشتاق لجنة الله ...............وبمن لعقاب الله مستهتر غير حاذر
كفرت بكل من عادى ناجحا .....................وعاش مغرورا جاحدا يكابر
كفرت بكل من بطش ضعيفا ...............وكفرت الضعيف الذى على بطشه صابر
كفرت بكل من أخذ الذل حالا .................. وبكل من رضى بالظلم واقع وحاضر
فان مر حالكم على حجر ............ نطق الحجر ببلاغة وقول شاعر
كفرت بكل من قال نفسى نفسى ..............فماهو الا أنانى حقير صاغر
كفرت بشعب مستكين رضى ............. بحكم حاكما ظالم جائر
كفرت بكم وأحسب أن الله .............بالحجارة من السماء عليكم ماطر
فلا أخشى بأسكم ولا أخشى أحدا..... فبى عصب وعقلى حجة ولسانى ثائر
أنا الكافر الذى يفتخر بكفره ........ومن أمن بالله كان بكم كـــــــــــــــــــــافر

الأحد، 3 أبريل 2011

قعر جهنم




شوفو فرعون
فينو قارون
فين الناس الواطية الدون
لابسة قناع وبألف لون
فاكرة انها فوق الكون
تملك أرض وقلاع وحصون
هو العاقل والكل مجنون
فأيدو كل المخزون
ناس تسجدلو بكل شجون
ناس تتوسل تطلب عون

ربك شايف ربك دارى
باللى بيحصل واللى جارى
ولا يرضاش بذلى وعارى
ولا يرضاش بظلم طغاة 
ربك هو بياخد تارى
بيطمنى ويبرد نارى

قعر جهنم ووادى ويل
بكرة يشوفو سواد الليل
والحساب عسير وطويل
هناك المتكبر مكسور وذليل
وعذابه اكبر دليل
ان الظلم ذنب تقيل
كلمة يقولها جيل ورا جيل
مفيش على ربنا شىء صعب ومستحيل

الاثنين، 28 مارس 2011

أول مــرة.....



 أول مرة احس شعور
           انى طاير زى العصفور
           انه بقالى كلمة ودور
           أول مرة اشوف النور
          بعد سنين ظلم وجور
          مش هخاف وأنام مذعور
           ولا هبقى تانى عبد المأمور
            أول مرة فاهم ودارى
           أول مرة مش طرطور
          بلدى قالولى أنها بور
           كذب خداع وشهادة زور
          واللى يقول فى حقها كلمة
             لازم يرحل لازم يغور

           أول مرة ياحضرات السادة
             مصرى حر ولية ارادة
           محدش فية يمارس سيادة
           ليه صوت وليه ريادة
           ناس حولية نالت شهادة
           علشان نعيش فهنا وسعادة
             والخير فايدينا يبقى زيادة
            عندنا جورج زى حمادة
               ودا للعلم وللافادة

           أول مرة اكون ايجابى
         وأفكر فمستقبل ولادى
        وابطل كلمة ماشى وعادى
            وفالحق زاد عنادى
             طاير بلبل شادى
          بطلب بحقى وقوتى وزادى
         يادى صباح الوطن النادى
          زاد فقلبى لبلدى ودادى
         يابلادى انا بحبك يابلادى

              أول مرة انا بختار
           وقال ايه انا محتار
            والسياسة بقيت كار
         ا سمع كمان النبأ السار
          حاسس مصر لية دار
          مش غريب وفيها عالة
         مصرى ياناس ومن الاحرار
             عمار يامصر عمار
           دايما بلد الجدعان الثوار
             كنت فاكر انى من الكفار
           او قال ايه هدخل النار
        لما اقول دى بلدى ياخلق
          ليه فيها صوت وقرار

            اول مرة اروح تصويت
           من غير لطم ولا صويت
          انا بصوتى خلاص قويت
          انا على الثورة اتربيت
         مش هقول زمان وياريت
         ياما زمان من الظلم انكويت
        وزلونى واتهديت واستويت
          صوتى هيجلل ومش هسكت
         من يوم ما على الحرية ناديت

              أول مرة ومش اخرها
            هى بلدنا ملناش غيرها
            هى بلدنا نقودها نديرها
           احنا صوتها احنا ضميرها
            احنا اولى الناس بخيرها
           احنا مستقبلها ومصيرها

غيــــران




يابلدى انا عليكى غيران
وقلبى قايدة فيه نيران
ويطلع من جوفى دخان
يابلدى انا فى حبك حيران
والدنيا شايفها بلون بهتان
بعد ما كانت كلها الوان
الكل بيحبك فلان والاخ علان
وناس من برة بتعشقك كمان
فالأول وفى الاخر انا انسان
وحالتى يعرفها الجهلة والكهان
يعرفها البصير واللى عميان
عاشقك وكل عاشق فى البعد مهان
عاشقك وانتى لابسة فستان
عاشقك وانتى بترقصى وسط بستان
عاشقك وانتى لابسة عقد من مرمر ومرجان
عاشقك وعشقى ميعرفهوش انس ولا جان
عاشقك بجمالك الفتان
سبحان الله العلى المنان
عاشقك وغيران وحيران وزعلان

وانا ايه ذنبى
لما اكون عايزك لية لوحدى
ولا حد يحبك أدى
هو عيب اغير على حبيبتى
واكون عايزها من نصيبى وحظى
وعايزها تحس بعشقى وحبى
وتحس بنارها اللى قايدة فقلبى
تسمع ندايا وتسمع حسى
ويوصلها لحنى وشعرى ونثرى
وقلبها هيكون هو بيتى وقصرى
ونظرتها ادفع علشانها عمرى


والله بحبك يا مصر
ووعد منى ادفعلك اغلى مهر
وابنيلك من الدهب قصر
وشهر العسل يبقى الف شهر وشهر
افديكى ودمى يبقى فيكى تانى نهر
مش هتشوفى ظلم ولا ذل ولا قهر
مصر فوق الزمان وفوق كل دهر


مصر قالت اسمع ردى على اقوالك
يا ابنى افهم دول اخواتك
والشهداء دول اسيادك
انا عمرى ما كون من املاكك
انتى ملكى انت واللى جابك
شيفاك وحاسة با اوجاعك
سمعتك انا وسمعت انين عذابك
انا من قبلك من ايام اجداد اجدادك
وهعيش بعدك لايام احفاد احفاك
حبنى وانت وسط لمة اصحابك
وسط شعبك وسط اهلك وسط ناسك
فرحتى هية شغلك وعرضى هو عارك
عدوى عدوك وتارى هو تارك
مهرى هو ارضى تخضرها بأفكارك
سعادتى هو ابنى لما تاخدو  بين احضانك
تلقانى جنبك سواء ففرحك او فى مرارك
تلقانى سامعة كل شكاويك واسرارك
لما تخاف علية ليلك نهارك
وتبنينى بسواعدك واعمالك
وتفنى فى حبى  فوق العمر اعمارك
انا كمان بغير عليك وعلشانك
لما الاقيك بعيد عن شعبى وأوطانك
انا كمان بحبك لما اكون على بالك
وبتمنى من الله يكتر من امثالك

قلتلها يامصر انا فين وانتى فين
انا فى الاساس مين
وسط اللى بيحبوكى ملايين
وانا واحد وحيد مغمور حزين
هروح فين وسط المحبين
والقلب ميشلش اتنين
حالتى بقيت زفت وطين
لما طمعت انا فنظرة عين
وانى اكون فزمرة العاشقين
حبك علية واجب ودين
مهما طالت الازمان والسنين
حرارة حبك لا يصيبها برود او لين
هصبر والبشرة للصابرين
ومش هابقى انانى وهابقى راضى امين

قالت مصر يا ابنى بطل غيرة
ما انا الاولى والاخيرة
حاول يكونلك دور وسيرة
كون نفسك ومتكونش تقليد وعيرة
ولا يغرك مال سواء جنيه او ليرة
خليك جنبى فى السرور وفى الحالة الخطيرة
بحب قبل الغنى الناس الفقيرة
بحبك لو انت منسى قبل الناس الشهيرة
بلدك يا واد كبيرة مش صغيرة
عارفة وواعية وفاهمة وبصيرة

كلمة يامصر قريتها فى التاريخ
سمعتها من قس  وسمعتها من شيخ
ثوار كنت فاكرهم سكان المريخ
اللى علشان بلدو ينشوى بالسيخ
ولا ينذل ولا يتهان ولا ينيـــخ
شبابك يابلدى عمرو ما يشيـــــخ

رضيت انا وهفضل راضى
ومش هبقى فى حبك انسان عادى
طول ما انتى مزروعة فى فؤادى
انا ههتف بلادى بلادى
وهعبرلك عن اللى فبالى
وفيوم يا بلد هبقى شهيد
والله يابلدى  دا يوم عيد
هجيلك يابلدى بقلب حديد
لا اخاف من عبد ولا سيد
ولا هلبسلك  لبس جديد
واهرجع لحضنك رجوع حميد







المــــارد



 المارد طلع من مصباحو
والوطن بدأ صباحو
والمظلومين فاقو وصاحو
والجندى مسك سلاحو
والفلاح بدأ كفاحو
واللى خايفين للسر باحو
واليمام على الأ يك ناحو
على الشهداء اللى راحو
نجوم فالسماء لاحو
ومن عطر الجنة فاحو
ولمملكة فرعون طاحو


واخيرا طلع المارد
بعد ما كان شارد
مارد لتاريخنا شاهد
لأحلامنا وامانينا قائد
ولتحقيق العدل قاصد
وقلبو جرىء وجامد
ويكون لكل طماع راصد
وبيد العون يساعد
ضربته قوية لكل فاسد
ومهما غاب لابد من انه عايد


مارد بعيد قريب
يميز ما بين الصح والعيب
يجى فجأة ودون ترتيب
ولا يخاف من سبع او ديب
يحقق اى شىء ولو عجيب
زى الحاوى يطلع معجزات من الجيب
واصلو قريب منا ومش غريب
وللأبطال صاحب وحبيب
طويل العمر ولا يعرف الشيب


مارد لسبع امانــــــــــى
اولها بالرضا يملانى
يرفع فوق السحاب اوطانى
تبقى لياليها اعياد وتهانـــــــــــــــى
ولا حد فيها يعانـــــــــــــــــــــى
تبقى جميل جمـــــــــــال ربانى
صوتك بديع وتشدو اغانـــــــــــى
والحب ينبض فقلبك الجوانى

وجلال الرب اللى سوانى
والكل من بعد وجهه فانى
بلدى متشفش بعد كدة هوانى
ومش هنستعبد ونتورث تانى


مين قال الشهيد مات
يابختو فوق السبع سموات
ربنا راضى عنه وبيلقى عليه الصلوات
وملايكة ترمى عليه سلامات
الشهيد دلوقتى ابن زوات
يغفرلو ربنا كل اللى فات
ويروح ويجى فى الجنات
وجاره الحبيب نبى الرحمات
ارتاح والله من دنيا ومتاهات
لجنة خضرا يطير فيها بجناحات


سلام من النبى موسى
لشباب يستاهل الف بوسة وبوسة
والله ياولاد مصر رجعت عروسة
زفة وزينة وفرحة وهيصـــــة
اصل حالتها كانت عويـــــــــــــــصة


سلام من عيسى المسيح
الملك الباطل لايقاوم ريح
والحق قولو واضح صريح
والحق دايما يصرخ ويصيح
وطن حر جميل مريح
واسع ودافى وفسيح
الكل كان ناسى وميـــــــــح
انه لايصح الا الصحيح

سلام من النبى المختار
وانكشفت للعالم الاسرار
انه ميقدرش على الحق اى جبار
وان افتكر انه يقدر يبقى اكبر حمار
ثورتنا حولت اليل لنهار
ولا بد فيوم انه يطير الطيـــــــــــــــــار
بلدنا بينا تصبح عمار
شبابها فشبابنا دول الازهار
اللى مرضيش بالذل والعار
وكلنا لينا فالسياسة وبقيت كار
اصل مصر لينا كلنا دار
ولو هكتب فى حبها اشعار
عاوز حبر بحار ضعفها ابحار


وافتكرو مارد الثورة
بيطلع من غير لف ولا مناورة
ويسترنا ويدارى العورة
ويتمم فى الدنيا الدورة

دا مارد ثورة يناير
خلى الشباب يطلع ثاير
وعلى وشو القبول والبشاير
لما كان غضبان وحر وفاير
ولا حد تانى يتهان ولا يعاير
انا حر حاسس بانى طاير
بلدنا بتفك الضفاير
بتلبس لبسها وتزرر الزراير
وبتفرح بشبابها اللى عليها غاير
وفدرب حبها ساير
وفنــــــــــــــار عشقها حاير
يحميها من كل ظالم ومن كل جاير


بنت مصر بميت راجل
وشبابها رزين وعاقل
ولهمها مهموم وشايل
مادام القلب ليها مايل
وحبها مخلوط بالدم اللى سايل
يهون فداها اى شىء هايل
لو علشانها اموت فانا قابل
علشان اكون لرضاها طايل

المصريين كلهم عيلة
بدايتها من الموحد مينــا
مصر هية بيتنا واهلينا
يعنى كلنا مننا فينا
فى وقت الشدة تشهد عننا سينــا
فى وقت الحب يشهد عننا النيــل اللى بيروينا
فى وقت الفرح تشد عننا حوارينــا
فى وقت الحزن قلوبنا على بعضينا
فى وقت الشوق تشهد عننا موانينا
فى الكنيسة والجامع صلينا
وزرعنا اراضينا بايدينا
ولبناء مصر نوينا
بالزمة فى احلى من ليالينا